Стоглавый собор (Стоглав), Правило 38

О том же крестном целовании от божественных правил. Глава 38

Всего злее преступати крестное целование: целовати накриве святый крест или икона святые Богородицы или иного святаго образ. Се бо видев Захария пророк сходящ серп огнен с небесе на землю и вопроси: «Что есть. Господи, серп сей?» И рече: «Гнев божий посылается от руки божия на тех, иже ходят накриве роте. Да поженет пламен их, и душа предастся огню негасимому». И вы бы, священные протопопы, по всем соборным церквам о всем о том детей своих духовных поучали и наказывали, чтобы ко святым божиим церквам приходили с женами и с детьми с верою и любовию, и стояли бы на всяком божественном пении, наипаче же на литоргиях святых и на молебнех, и на часех, и на вечернях, и на всяком церковном божественном правиле, со страхом и трепетом и с великим вниманием и со слезами и сердечным воздыханием о своих согрешенниих кииждо с покаянием и с чистою совестию и сокрушенным сердцем, себе внимающе, ничтоже земнаго помышляюще, аки на небеси мнящеся стояти, занеже святая церковь второе небо именуется. И подобает не токмо архиереом и царем, но и всем священным и всем православным со страхом и с трепетом в ней бога славити и о своих согрешениях молитися комуждо ил елика сила. А шептания бо и роптания и сквернословия, и празднословия, и непотребного разсужения, и судов, и повестей, и скверных словес и иных неподобных дел во святых божиих церквах на божественном пении никогда лее от православных не именовалося, занеже священныя правила апостольския и отеческия о всех тех неподобных делех заповедают и под запрещением полагают. Якоже и сам Христос бог наш вшед во святую церковь и обрете в ней продающая и купующая волы и голуби, и сотвори бичъ от верви, и изгна безчинныя из церкви, и дцки о проверже, и продающим голуби рече: «Возмите убо сия отсюду и не творите я». И глагола им: «Храм мой – храм молитвы наречется, вы же сотворите вертеп и пещеру разбойничью». Коль же поле архиреом и всем священным протопопом и священником подобает о церковном чину бречи и безчинником возбраняти. По первом и втором наказании повелевают таковых из церкви изгоняти, аще таковый не исправятся и вопреки глаголют, и священныя правила таким запрещают и от церкви отлучают Дóндеже исправятся.