Стоглавый собор (Стоглав), Правило 9

Указ божественныя службы. Како достоит священнику или с дияконом служили или единому. Глава 9.

Сице начало. Станут убо вкупе пред дверьми церковными западными в паперти и вход творят сотворь три поклоны. Дьякон: «Благослови, владыко». Иерей глаголет: «Благословен бог наш». Таже «Царю небесный» и «Трисвятое» по «Отче наш» иерей возглас: «Я ко твое есть царство». Посем: «Господи, помилуй». 12. «Слава и ныне», «Приидете поклонимся» трижды. Таже глаголют тропари сия ; «Радуйся двери божия; радуйся, пречистая дево святая, радуйся, владычице и заступнице миру, радуйся, стено и прибежище и покрове граду нашему. Под твою милость прибегаем. Богородице дево, молитв наших не презри в скорбех, но от бед избави нас, едина чистая и благословенная! Господи, отъими от мене беззакония моя и прегрешения моя, да достойно вниду в достояние святаго храма твоего, непроходимая двери тайно знаменана! Благословенная Богородице, дево, приими молитвы наша и донеси я Сыну своему и богу нашему, да спасет тебе ради душа наша. «И посем глаголи тропарь настоящаго дни святаго или святителя 2 или велика мученика, или преподобного отца или апостола и евангелиста. «Святый христов, имярек, пострадавый за Христа, имея дерзновение к нему молися о мне, грешном и недостойном рабе своем, священноиноке или священноиереи имярек». И целуют у дверей на столпцех по странам Спасов образ и пречистой или кресты. И посем входят в церковь священник с дьяконом и сотворяют вкупе к востоком поклоны три, глаголюще тропарь: «Пречистому образу поклоняемся», «Слава и ныне», «Богородичен», «Бога из тебе воплощшася разумехом». Таже тропарь дню, и храму, и святому, и за упокой, и кондак. Сия глаголюще, знаменуются и целуют святыя образы. Также к правой стороне поклон един и к левой такоже. И отходят малыми дверми к жертвеннику, глаголюще в себе тай молитву: «Господи, низпосли руку твою с высоты жилища твоего» и прочая по уставу, якоже в служебникех пишет. И благословит часы говорити, в кою пору проскуромисает. Да во многих церквах дровяных в жертвенникех несть кладязя, над чем священнику руки умывати, и горну не держат же с угольем, в чем укропец грели. Како надобе теплота во святый потир, и пономарь шед в избу да возмет у печи горячие воды из горшка в кувшинец или в кувшинцы, согрев, да принесет в церковь, и ту воду вливает во святый потир. А по уставу и по чину отпев заутреню, и пономарь с укропником благословится у священника итти по водицу. И, шед на реку да на чистом месте благословяся, почерпнет укропником воды, да пополоскав выльет и опять почерпет, да покроет да принесет во святую церковь и поставит в жертвеннике до времени. И после благовестия к часам, аще дровяная церковь, и принесет в горнцы горящаго уголья, а на дне пепелу подсыпает и поставит в жертвеннике на кирпиче, и заклав агнец и влив воду студеную священник или диякон с служебным вином во святый потир, и поставит укропничек на горну и устроит до времени, якоже достойно. А в тот укропник ничего иного не вливают, кроме той воды, которою служат. А кладезь туто же в жертвеннике в трех дощечках к стене приделывают служащему священнику и дьякону руки умывати. Егда же священник агнец святый закалает, и потом из малые просвиры из другой пречистые часть выимает и кладет одесную страну агнца, таже из третие просвиры из малые выимает предтечеву часть такову же, якоже пречистые, и полагает на левой стране агнца. Таже и прочие просвиры выимает о всяком епископстве православных и за царя и за князя, и за вся хрестьяне, и заупокой. И то приношение кладет на среде под агнцем ниже тех частей, инии же священницы выимают предтечеву часть, якоже из обычные просвиры, малу и кладут вместе с приношением на среду, а не опришно. Ино то не по чину, якоже устав повелевает в служебнике. Ответ. Покрывают святая двема покровцы святым агнец, и. святым потир. Нецыи же, невегласи неразумеюще писания божия и учения, не требующе третьим святым покровом не покрывают, еже есть воздух. И о том подобает вельми воспретити на безчинныя, чтобы впредь третьим святым покровом покрывали. Глаголюще сице. Дьякон рече: «Господу помолимся!» Иерей: «Господи, помилуй». Покрый владыко обоя святыя сия. Священник покадит третий покровец, еже есть воздух, и покрывает глаголя: «Покрый нас кровом крылу твоею». А на престоле такоже бы покров был всегда, и открывали бы во время святыя службы. А у царских дверей запона бы всегда была. Известно вам буди cиe. Да поищите в достоверных переводех, яко да глаголется сице во октении первой: «Миром господу помолимся» и прочая по ряду. А о сем тако достоит глаголати; о архиепископе нашем, имярек, честного его прозвитерства и еже о Христе дьяконства и всего причта. Зде же глаголют не по существу и не по служебнику и о честном его прозвитерстве, то не гораздо. Такоже и «Верую во единого бога суще», – глаголется. – «и в Духа святаго истинного и животво рящаго», – ино то гораздо. Нецый же глаголют «и в Духа святаго Господа истинного», – ино то не гораздо. Едино глаголати или Господа, или истинного. Ино сице «День весь совершен, свят, мирен, безгрешен, испросивше себе, или сами себе, то едина сила и» друг другу и весь живот наш Христу богу предадим». Здесе же не по переводу сущему глаголет: «День весь совершен, свят, мирен, безгрешен, испросивше у Христа сами себе и друг другу». Ино по существу глаголати: «Единение веры и причастие святого Духа испросивше себе и друг другу и весь живот наш Христу богу предадим». Зде же не тако глаголют: «Единение веры и причастие святого Духа испросивше у Христа сами себе и друг другу». На утрени глаголет по сущему переводу: «Благо есть исповедатися Господеви и пети имени твоему вышний возвещати заутра милость твою и истину твою на всяку нощъ». По самочинению же глаголют, а не по существу: «Возвещати заутра милость твою и истину твою на всяк день». А инии глаголют: «На всяко время по своему произволению». А истинный глагол по Давидову пророчеству: «Возвещати заутра милость твою и истину твою на всяку нощь». Зри во псалтыри в сущий перевод и о всех о сих разсуди утвердити во святей соборной апостольстей церкви испраоити всему миру на утвержение, а не на соблазн людем. Иное сице: «Впервых помяни. Господи, архиепископа нашего имярек, его же даждь или даруй, едина сила, святым твоим церквам». Нецыи же не суще глаголют от своего произволения: «Впервых помяни. Господи, архиепископа нашего имярек, его же даровал ecи или дал». То не юраздо.