Стоглавый собор (Стоглав), Правило 89

О том же доставлении и о проторех от послания Фотея митрополита Киевскаго и всея Русии во Псков. Глава 89

Сего ради правило, еже о поставлении священническом пошлину давали обычно, повелительным своим писанием присноблаженнаго царя Исакия Комнина, якоже ко иным вещем, сия пишет. Оброжает царство мое поставление священническое и о правителъных древних образ действо творити. Ничтоже лишнее о ставлении да не емлемо будет, разве 7 златниц. Едину бо златницу егда поставят кого в четцы. А 3 егда на дияконство. 3 же – егда на поповство. Сего же устава царева подтвержает соборный суд, бывший от патриарха Михаила начало философом, и другое соборное знамение, бывшее от патриарха Николая такоже повелевающее, якоже царево писание, толико уставивше даяти от наставления. Мы же соборне повелехом от дияконства и от поповства две златницы на собор взимати, сиречь рубль московской, да благословеная гривна. А в одне дияконы поставити – златница дати, сиречь полтина московская, да благословеная гривна. А готового диякона в попы совершили – полтина же да благословеная гривна. А от патрахельных и от уларных грамот пошлин не имати, разве писчего алтына да печатного алтына же. А от настольных грамот архимадричьих и игуменских имати по две златницы, сиречь по рублю московскому. А от благословенных грамот имати по златнице, сиречь по полтине. А боле того ничтоже не изтязуют, ниже вземлют. Ни по мзде не поставляти. Аще ли кто поставит по мзде – да извержется сам и поставленнии от него по священным правилом. И того ради епископом подобает с великим испытанием избирати достойных и могущих вся пастырская строити, и священное исание в конец ведущаго, и святую церковь, и монастырское строение, и церковный чин по божественному уставу могий гполнити. Наипаче же возможе понести и исправити с божиею помощию Христово стадо словесных овец, еже о Христе братство, богом врученное ему, и всех приходящих под кров тоя чес ныя обители. Потом же и внешним могий ответ согворити не токмо царю и вельможам, но и многим в духовную пользу. Сицевых убо достоит избирати и поставляти по священным правилом. Такоже и епископом коемуждо во своем пределе избирати и поставляти в попы и в дьяконы о всем по священным правилом, ничтоже претворяюще. И известно испытати отцем его духовным и седмью свидетели о чистом его жительстве и о пребывании, и о летех возраста. Аще тридесять лет имать и грамоте умеет, и аще будет достоин, таковый да поставлен будет в попы. А в дьяконы, аще 25 лет возраста имеет и будет достоин, таковый в дьяконы да поставлен будет. Аще ли и зело достойни будут, и леты несовершены по священным правилом, таковых не поставляти до урочных лет. А которые дияки учнут приходити ко святителем ставитися в дьяконы и в попы, грамоте несовершенно умеют, аще будут и леты совершены, и им таких не поставляти, да посылают их по соборным церквам. И велят их учити протопопом и священником соборным, чтобы на соборе псалмы и псалтырю говорили и каноны конархали, Дóндеже навыкнуть церковный чин. И тогда, аще будут достойни, да поставлени будут, А которые дияки учнут приходити ставитися в дьяконы и в попы, а грамоте мало умеют и леты не совершенны, а хотя будут и леты совершенны, а грамоте мало умеют, и святителем таких дияков отсылати к мастером в книжное училище Дóндеже научатся совершенно грамоте и церковному чину по священным правилом. И аще будут достойни, и тогда поставлены будут. И по наставлении повелевают им святители у соборных церквей седмицу служити. А егда отслужит новосвященный поп урок свой у соборные церкви, якоже обычай есть, епископ, атпущая его к порученной ему церкви, наказав и даст ему от правил святых апостол хиротонию, и прочет ему свиток сей, и положит на престоле, и велит ему взяти ведение и память священия. Наипаче же наказывают их духовне, чтобы сами жили в чистоте и в покаянии, и в прочих добродетелех во страсе божий. И о всем бы могли по святей хиротонии Церковь божию блюсти и хранити и православных християн страху божию учити. И наказывали бы о всех полезных по тойже святей хиротонии, ничтоже претворяюще, но по бозе вся устрояюще и воздержащеся от всякого зла и зазора неподобнаго, наипаче же блюстися от объядения и пьянства, и клеветы, и лжи, и прочих неподобных дел, ихже ненавидит бог. И аще в вас плод духовный узрят ваши духовные дети, то на вас смотря, мнози спасутся по реченному Христову словеси: «Вы есте свет миру, вы есте соль земли». И того ради подобает вам священство свое хранити и чисто блюсти себе от всякого зазора, якоже и преди рехом о всем по святей хиротонии. Такоже и дияконов поучати, чтобы свое дияконство чисто и непорочно хранили и жили бы в чистоте и в покаянии, и в прочих добродетелех безо всякого зазору неподобного. Наипаче же прилежаще со страхом божиим ко святей церкви и ко священнику о Христе, в покорении и в совете духовном, и к прочим православным християном, в любви и смирении. И о всем себе соблюдающе и образ всем показующе добрым делом, да и прочия видя, прославят бога, давшаго вам священную власть и смиренную мудрость. И аще тако пребудете, то блажени будете и сугубой чести от бога сподобитеся не токмо зде, но и в будущий век по божественному Павлу: ихже око не виде и ухо не слыша, и на сердце человеку не взыде, яже уготова бог любящим его и хранящим о всем заповеди его.