Стоглавый собор (Стоглав), Правило 55

О том же святильеском суде от священных правил собора иже в Халкидоне правило 9. Глава 55

Аще о чем прятся причетники, да не приходят к мирским судьям, но к своему епископу. Аще некий причетник с причетником прю имать, да не оставляет своего епископа и мирским судилищам не прирыщет, но преже да скажет вещи своему епископу, да велением того епископа приидут, обои хотяще претися, да разсудит я епископ с начальными его попы; аще ли кто чрез се сотворит, правильным запрещением да есть повинен; аще ли причетник иматъ прю с своим епископом или с попом, пред областным собором да прется. Толк. Аще причетник имать нечто на причетника, не подобает ему судитися пред мирскими судиями, но от своего епископа. Аще ли к мирскому судищу приступят, по правилом запрещение да приимут. Такоже причетник аще имать нечто на своего епископа, егда уреченное время соберутся веся области епископи пред собором, да судятся. Иже аще епископ или причетник с митрополитом имать некая распря, от патриярха всея тоя земли да судится; под ним же суть епископи и митрополиты всея области и страны тоя или от патриярха Констентина града, да судятся. Сия бо власть от инех патриярх никому же едана бысть, ни от правил, ни от закона, еже судити митрополита под инем патриярхом, суща другому патриярху, но токмо Констентина града патриярху се дано есть.