Стоглавый собор (Стоглав), Правило 79

О тех вдовствующих попех и о дияконех преподобнаго игумена Иосифа ламского волокоа самобывшаго ту на том соборе, собрание от священных правил. Глава 79

О отлучаемых и изверженным быти от церкви от сего собора священником, не имущих жен. Мнози глаголют: Аще нецыи в зазоре суть, тех подобает отврещи. А не имущих жен а чисто живущих не повелевают ни апостольская, ни отеческая правила тех изврещи. А глаголют первым правилом седмаго собора, сиречь: от правил апостольских и отеческих в них несть приложит и. от них несть уняти. Ответ. Инии же мнози глаголют: Священным и божественным правилом аростольским и отеческим не сопротивляемся, но паче утвержаем и от церкви, аки гнил сосуд, отсекаем. А глаголете: Которые священницы не в зазоре сущи, а не имущи жен – подобает им служити. Мы же глаголем: Аще быти чистым, немощно злое то прелюбодейство искоренити. А мнози святии отцы из правил апостольских и отеческих оставиша, что есть на вред Церкви и на соблажение християнству. Апостольское правило повелевает епископу брака и мяса и вина не гнушатися. Ангирский собор правило 14 мясо ясти попом и дияконом повелевает, а о епископех умолче не повелевает. А шестый собор совершенно отсече еже епископу жену имети не на отвержемие, ни на развращение пятому правилу апостольскому, но на спасение и на лучшее поспешение людем промышляющим. Ни дадый никоего порока на священническое строение. Правило апостольское 14 епископу повелевает в ыную епископью прейти, аще от многих нудим. И от совершенного собора повелевает прейти. А сардийский собор, сиречь в Средцы, правило I апостольскому правилу не последует, еже епископом от града во град, сиречь оставльше свою епископью, иную взимати не повелевает. А второе правило того же собора отрече бо таковому: Ни во исходе от жития достойну быти причащению. Правило 85 повелевает чести осмеры книги Климентом сложеныя, честны и святыя имети их. Шестого собора 2 правило отврещися повелевает за некая ложная, иже суть чюжа благочестию иноверных приложили в них на вред церкви. В новей Кесарии правило 3 повелевает четвертому браку быти. А собор соединения никакоже повелевает четвертому браку быти, но и тягость церковную налагает. Собора в Кесарии правило 14 дияконом 7 должно быти, аще и зело будет велий град, послушествует же от книг Деяние. Шестого же собора правило 16 глаголет: Не добре разумеша того собора отцы, еже в книгах деяний апостольских о седми дияконех лежащего словеси, а не о служащих бо рече божественных тайн. Сего ради убо церкви не истязани будут по оному правилу по 7 диякон имети в службе божественных тайн, но каяждо церкви противу имению сходящемуся к ней да имать колико может. До 1-го собора праздноваху пасху християне в тойже день, в кий день и жидове творяху. И первый собор заповеда тако творити. Антиохийский же собор 1 отнюдь отсече праздновати со июдеи. В Лаодикии правило 16, яко чести в суботу евангелие со инеми писании повелеват. Толк. Тому правилу так ся нам мнит: не бе еще тогда церковное строение, якоже бысть потом, ныне же се правило упразднися. Тогоже правило 19: Мир дают священницы, сиречь целование, и потом мирстии людие презвитером мир даяху, рекше целоловахуся с ними, еже ныне не бывает – упразднибося. В Ааодикии 57 во дворех безкровная жертва не приношается ни от епископа, ни от попа се правило не повелевает. Шестого же собора правило 31 лаодикийский собор отвращает. Повелевает с повелением того места епископа презвитером служити в церквицах сущих внутри домов. Правило шестого собора 28 гроздия убо во время подобно к жертвеннику приносити и благословену быти от прозвитер и просящим сия раздавати. И святых апостол правило 3 прощает, еже безкровную службу сия совокупляти и купно обое разделяти людем. Се правило отрицает и повелевает к тому никтоже от прозвитер да не дерзнет се сотворими, аще ли ни – изврещи сего совершаю. А 6-го собора правило 29 не подобает карфагенского держали правила 41. Глаголет бо: от неядущих человек совершатися божественней службе, развес единого дни в лете воньже господня вечеря сотворяется. В великий бо четверток по вечере творяху божественную службу. Се же правило сохрани еже есть твердо. Ни того дне не оставляет, но повелевает в той день, рекше в великий четверток, святым неядшим безкровную службу совершить и юде такожде неядшим той причаститися. Да не преступлеия ради единого дне весь пост безчествуем. Шестого собора правило 82. От дpевних на неких писаных честных икон агнец перстом предотечевым являет. Се же правило не повелеват Не подобает образа паче истины агнец на честных иконах пйсати перстом предотечевым показуема, но самого триста, бога нашего, и шаровными писании по человеческому образу написовати. В древних обычай бе на сосуд злат или от иноя какоя вещи сотворити в руку, место якоже тем прияти божественный дар и причащения сподобится ему. Cиe отмешет шестый собор. Не подобает тако творити. Таковый да отлучится сам же и давый ему, яко честнее творя божия образа бездушное злато или кую иную вещь данную в работу человек ком. Яко аще кто пречистого тела прич ститится хощет в соборная времена, и един к нему причащением быти руце назнаменуя во образ креста, тако да приступает, и да приемлет приобщения благодати. А лаодикийскаго собора правило 27 заклинателем прощает быти. А о диаконисах 4-го собора правило 15 повелевает им быти. А карфагенского собора правило 6 повелевает же им быти, и многим иным правилом послушествует быти. А после седмаго собора никакоже их глаголет и не пребывают. Якоже святый Григорие акраганский глаголет: Велии в человецех суть дари божия свыша данного человеколюбия – священничество же и царство. Овоже божественным служа, овоже и человеческими обладая и промышляя, и от единого тогоже начала обое происходя, человеческое украшая житие. Яко аще тщанно, тако будет царем, якоже священных чистота. И о царех священницы всегда бога молят, аще убо непорочни будут. Везде к богу имут дерзновение. Сему же быти веруем, еже священных канон соблюдение сохраняется, емуже поюще и покланяющеся, и самовидцы божия слова предаша, апостоли и святии отцы сохраниша и сказаша. И глаголете: иже кто от седми собор приложит или уложит, – то глаголют святии собери о Господе нашем Исус Христе и о истиннем бозе. И якоже в коемждо паче же в шести соборех сих о вере взыскание бысть и парок, рекше устав, учения изнесеся. Первому уставльшу единосущна Отцу Сына сказа и во святый Дух веровати. Второму же единосущна Отцу и Сыну и Духу яве уставльшу спокланятися устави. Третьему же совершенна о божестве тому совершенну о человечестве Господа нашего Исуса Христа уставльшу единого, а не два сына устави. Четвертому же прежеглаголанная утвердившу две естестве в нем знати, неслиянне и нераздельно яве беседоваша. Пятому же то извествовавшу по обойма естествома хотениа же и действенна, и суща знаема, яве извеща. Шестому же всех собор поновившу и известившу совершена Господа нашего Исуса Христа в божестве и в человечестве сказанна. Седмый се собор на иконоборцы рекше, на оклеветающих християны и сих прокленше церкви же древнюю красоту ей дароваша. Иконная воображения той имети и любезно облобызати – сия добре заповедавше. Такоже и образу честного креста покланятися, облобызавше и утвердивше. К сим заповедем о Господе нашем Исусе Христе и истинном бозе, и о поклонении святых икон, аще кто приложит или уложит – да будет проклят.