размер шрифта

Поиск по сайту



Стоглавый собор (Стоглав), Правило 56

Канонические правила Православной Церкви с толкованиями

Апостольские правила


Правила Вселенских Соборов

  • Пятый Вселенский Собор правил не оставил

Правила Поместных Соборов


Правила Святых Отцов


Соборы Русской Православной церкви



О том же святительском суде собора иже в Карфагене правило 15. Глава 56

Епископом, прозвитером и дияконом не подобает отрицатися церковного судища. А ще кто от них оклеветаем о гресе, церковный оставит суд, и ко градцким приступит судиям, и пред теми исповестъ и судится; аще неповинен явится и осужден будет от градцких судей, свой погубит степень. Аще не о гресех будет вина, но о имении или о злате, или о инех мирских вещех, и прилучится ему таковых препрети и оправдану быти, подобно ему судища оставльшу и мирским судиям приступльшу и от тех судившуся, аще убо хощет тех суд держати и вопросит имение или злата, или иного что, о нем же препрев оправдан бысть, свой степень погубит; аще же преобидив мирский суд и не возмет ничтоже, о нихже оправдан бысть, в Своем степени да пребывает. О том же. Яко не подобает мирским судиям священнического и иноческаго чина судити, ниже на суд привлачати святаго пятого собора от заповедей святых отеу, 165, тамо бо речено бысть: аще ли кто и сану преобидити начнет или суды восхощет церковные и оправдание, или привлачающи насилием епископа, или попа, или дьякона, или всякого просто рещи священного, или монастырем данное, граблением и насилием дея, и отымая от них все даемое Христови, да будет проклят.